Monday, 30 November 2015

Dil Jo Keh Raha Hai Suno - A Poem by Ronak Sawant

Dil Jo Keh Raha Hai Suno - A Poem by Ronak Sawant

Kehta hai dil sunle zara,
Apne aap ko pehchaan aur kar apna jahan hara-bhara.
Apne dil ki dhadkan ko apne haathon se mehsoos kar,
Sunli tune woh aawaaz, yahin toh hai tera humsafar.
Bheed mein kahan kho gaya hai tu,
Kab tak khaamosh baithega yun.

Sapne tere woh saare,
Kyun chupa raha hai uss andhere.
Chal uth ja yeh hi hai tera mauka,
Kyunki har ek pal hai yahan pe anokha.
Kal kya hoga kisse hai pata,
Jeele puri tarah se yeh aaj, yahin toh hai zindagi ka naata.

Khoobsurat lagne lagega yeh jahan,
Agar tum sunoge jo dil ne kahan.
Toh, wahi karo jo dil kare,
Wahi suno jo dil kahe.
Jo banna chahte ho wahi bano,
Aur, dil jo keh raha hai suno!


- Ronak Sawant

Author - Ronak Sawant

Ronak Sawant (aka RoN) is a passionate Dancer/Choreographer, Photographer, Writer/Poet, Web Designer, Artist, Human from Mumbai, India. He is the life explorer and a free bird that uses his art and life’s journey to inspire people and improve the world!


Let's Get Connected: Facebook | YouTube | Twitter | Instagram | Google+ | 500px