Monday, 30 November 2015

Dil Jo Keh Raha Hai Suno... (A Poem by Ronak Sawant)

Dil Jo Keh Raha Hai Suno - A Poem by Ronak Sawant

Kehta hai dil sunle zara,
Apne aap ko pehchaan aur kar apna jahan hara-bhara.
Apne dil ki dhadkan ko apne haathon se mehsoos kar,
Sunli tune woh aawaz, yahin toh hai tera humsafar.
Bheed mein kahan kho gaya hai tu,
Kab tak khaamosh baithega yun.

Sapne tere woh saare,
Kyun chupa raha hai uss andhere.
Chal uthja yahin hai tera mauka,
Kyunki har ek pal hai yahan pe anokha.
Kal kya hoga kisse hai pata,
Jeele puri tarah se yeh aaj, yahin toh hai zindagi ka naata.

Khoobsurat lagne lagega yeh jahan,
Agar tum sunoge jo dil ne kahan.
Toh, Wahi karo jo dil kare,
Wahi suno jo dil kahe.
Jo banna chahte ho wahi bano,
Aur, Dil Jo Keh Raha Hai Suno!


- Ronak Sawant

No comments:

Post a Comment