Sunday, 30 August 2015

Manzil Ki Khoj Mein... (A Poem by Ronak Sawant)


Manzil ki khoj mein,
Chal pada hoon main.
Musafir hoon yaaron gir jaunga,
Lekin uthkar fir se muskurake chalne lagunga.

Yeh manzil hai meri,
Hai meri yeh khudki.
Zidd nahi chodhunga,
Haar nahi maanunga.

Bhale kitni mushkil aa jaye,
Uss mushkil ko chodh, mumkin ka raasta apnaunga.
Musafir hoon yaaron shayad bhatak jaunga,
Lekin yunhi bhatakte-bhatakte apne Manzil tak jarur pahunch jaunga.

Jo karna hai mujhe, wahi karunga.
Jo pana hai usse main haasil karunga.
Manzil milegi mujhe pura yakeen hai,
Shayad mere khwabon mein kuch azeen hai.

Hausle hai mere bade,
Manzil hai meri anokhi.
Usse paane ki chaha mein,
Nikal pada hoon main, Manzil ki khoj mein!


- Ronak Sawant

No comments:

Post a Comment